Byrjaður með afabarni Elvis Presley

Twilight-sjarmörinn Robert Pattinson er byrjaður með Riley Keough, afabarni sjálfs kóngsins heitins Elvis Presley.Robert og Riley sáust rúnta saman í Los Angeles um helgina og ætla að eyða þjóðhátíðardegi Bandaríkjamanna saman, en hann er á fimmtudaginn. Eftir helgina byrjar Robert síðan að leika í Map to the Stars í Kanada. Vinur Roberts segir hann afar skotinn í Riley.

“Þau eru óaðskiljanleg. Rob elskar að Riley er afabarn Elvis – hann er konungborin rokkstjarna í hans augum,” segir vinurinn.

Stutt er síðan Robert hætti með leikkonunni Kristen Stewart en hún hélt framhjá honum með leikstjóranum Rupert Sanders. Kristen ku ekki vera hrifin af þessu nýja sambandi þar sem hún lék með Riley í kvikmyndinni The Runaways árið 2010 og eru þær góðar kunningjakonur.

Dragðu Tarotspil dagsins hér.