Þjóðverjar í slæmum málum

Svartfjallaland vann dramatískan 27-25 heimasigur á Þjóðverjum í undankeppni Evrópumótsins í handbolta í kvöld.

Svartfellingar höfðu 13-11 yfir í hálfleik og tryggðu sér sæti í lokakeppninni í Danmörku. Þjóðverjar verða að leggja Ísrael í lokaleik sínum og treysta um leið á að Svartfellingar vinni útisigur á Tékkum.

Þá tryggðu Króatar sæti sit í lokakeppninni með sigri á Slóvökum á úitvelli 31-22. Króatar komust í 6-0 og heimamenn sáu aldrei til sólar. Ungverjar misstigu sig í Lettlandi þar sem niðurstaðan varð 25-25 jafntefli.

Króatía hefur eins stigs forskot á Ungverja fyrir lokaumferðina en báðar þjóðir eiga öruggt sæti í lokakeppninni. Króötum dugar jafntefli á heimavelli gegn Lettum til að hafna í efsta sæti riðilsins.