Fékk flugeld í andlit í fyrra og skaddaðist varanlega

„Það er álíka afl í þessu og í haglabyssu og hún skaut mig á fjögurra metra færi beint í hausinn,“ segir Baldur Sigurðarson sem fyrir ári síðan fékk skoteld í höfuðið með þeim afleiðingum að höfuðkúpa hans brotnaði á þremur stöðum og sjón hans tapaðist. 

Baldur Sigurðarson, eða ofur Baldur eins og hann er gjarnan kallaður hugðist aðstoða nágranna sína við að skjóta upp tertu ársins 2012 sem hann fékk hjá Landsbjörgu.

Terta þessi er á stærð við smábifreið og er víðast hvar bönnuð í nágrannalöndunum. 

Baldur var vélstjóri og nýtti hann vélstjóragleraugu með hámarksöryggisstöðlum sem vörn. Það dugði þó ekki og segir hann það mildi að hann hafi notast við slíkan búnað umfram hefðbundin öryggisgleraugu Slysavarnarfélagsins.

Baldur hefur ekki náð sjóninni aftur og heyjir þá baráttu í dag að fá skaðann bættann en samkvæmt honum og öðrum viðstöddum var kakan gölluð og hún sprakk á aðeins nokkrum sekúntum.

Fyrir þessu þarf hann þó að færa sönnur sem getur reynst erfitt, þar sem kakan er, eðli málsins samkvæmt, löngu brunnin. Hann vill brýna fyrir fólki að fara varlega við meðferð skotelda.

Viðtal við ofur Baldur má sjá í meðfylgjandi myndskeiði úr sérstökum hádegisfréttatíma Stöðvar 2 í dag.