Framkvæmdastjórn Marels breikkuð

Framkvæmdastjórn Marels hefur verið breikkuð en sjö yfirmenn úr röðum félagsins koma nýir inn í hana.

Þeir aðilar sem skipa nú framkvæmdastjórnina, ásamt Árna Oddi Þórðarsyni forstjóra, Erik Kaman fjármálastjóra og Sigsteini Grétarssyni aðstoðarforstjóra, eru:

Anton de Weerd, yfirmaður iðnaðarseturs kjúklings

Jón Birgir Gunnarsson, yfirmaður iðnaðarseturs fisks

Gerrit den Bok, yfirmaður iðnaðarseturs frekari vinnslu

David Wilson, yfirmaður iðnaðarseturs kjöts

Pétur Guðjónsson, yfirmaður alþjóðlegar sölu- og þjónustu

Paul van Warmerdam, yfirmaður alþjóðlegrar framleiðslu- og aðfangastýringar

Davíð Freyr Oddsson, yfirmaður mannauðsmála

„Allir lykiliðnaðir Marel eiga nú fulltrúa í framkvæmdastjórninni sem skerpir á markaðs- og nýsköpunardrifnum áherslum félagsins. Skipan yfirmanns alþjóðlegrar sölu og þjónustu í stjórnina endurspeglar mikilvægi þeirra þátta í starfsemi Marel sem stuðlar að samkeppnisforskoti félagsins á alþjóðavísu," segir í tilkynningu Marel.