Foreldri lamdi fjórtán ára ungling

Foreldravandamál í íþróttum er alþekkt en Dr. Matthew Supran var handtekinn eftir að hafa gengið allt of langt á íshokkýleik unglinga.

Þá gerði þessi 44 ára gamli kírópraktor sér lítið fyrir og kýldi 14 ára gamlan strák í andlitið og lamdi höfði hans svo utan í auglýsingaskilti.

Drengurinn hafði gefið syni Supran olnbogaskot og fékk fyrir vikið fimm mínútna brottvísun.

Við það sturlaðist Supran og hann óð í drenginn á bekknum. Varð að draga Supran af drengnum.

Hann hefur verið leystur úr varðhaldi en mun fá sína refsingu síðar.