Eiturlyfjaprang við framhaldsskóla

Sextán ára gamall unglingur var í gær stöðvaður af lögreglu fyrir utan veitingastað þar sem framhaldsskóli einn hélt ball.

Unglingurinn var með fíkniefni í sölueiningum á sér og er því grunaður um vörslu og sölu slíkra efna, að því er lögregla segir, en ekki liggur fyrir hversu mikið magn var um að ræða.

Skýrsla var tekinn af viðkomandi þar sem foreldri var viðstatt og verður tilkynning send til barnaverndaryfirvalda í framhaldinu.

Þá voru þrír ökumenn teknir úr umferð í nótt grunaðir um akstur undir áhrifum fíkniefna. Fyrst var um að ræða ökumann í miðborginni, síðar um nóttina kom upp svipað mál í Kópavogi og síðan aftur í miðborginni.