Hjónabandinu endanlega lokið

Söngkonan Toni Braxton er skilin við eiginmann sinn til tólf ára, Keri Lewis. Þau hættu saman árið 2009 en nú er skilnaðurinn genginn í gegn.

“Þau skildu í góðu og munu bæði taka virkan þátt í uppeldi sona sinna tveggja, Denim, sem er ellefu ára, og Diezel, sem er tíu ára,” segir blaðafulltrúi Toni í yfirlýsingu. Toni sagði í viðtali í fyrra að sambandsslitin hafi tekið sinn toll.

“Ég þurfti að hugsa upp plan fyrir lífið sem varðaði hann ekki. Ég var reið út í alla. Ég trúði því ekki að þetta væri að gerast fyrir mig.”

Dragðu Tarotspil dagsins hér.