Gosling ber dót í bíl á Seljaveginum

Meðfylgjandi mynd náðist af Hollywood-stjörnunni Ryan Gosling þar sem hann var að hlaða dóti í bíl á Seljaveginum. True North er með skrifstofur og myndver á Seljavegi 2, og líklegt þykir að hann hafi verið á svæðinu vegna þess.

Tinna Brá hjá Hönnunarhúsinu Hrím náði mynd af kappanum þar sem hann var fyrir utan húsið. „Hann var þarna að hlaða dóti í skottið á bíl. Það sem kom mér kannski á óvart var hversu mjög venjulegur hann virtist," segir Tinna og bætir við: „Hann var reyndar alveg ótrúlega myndarlegur." Myndin birtist á Instagram síðu Hönnunarhússins Hrím.

Gosling er í vinnuferð hér á landi en hann lenti á landinu í gærmorgun.