Clooney aftur á lausu?

Hjartaknúsarinn George Clooney er sagður vera hættur með glímukempunni Stacy Keibler eftir tveggja ára samband. Sagan af sambandsslitunum fékk byr undir báða vængi þar sem þau eyddu þjóðhátíðardegi Bandaríkjanna, þann 4. júlí síðastliðinn, í sitthvoru lagi.

Samkvæmt blaðinu Sunday People var Clooney í húsi sínu við Como-vatnið á Ítalíu en Keibler í Bandaríkjunum. Skötuhjúin hafa þó ekki staðfest sambandsslitin. 

Samkvæmt blaðinu hafa skötuhjúin ekki sést saman í þrjá mánuði.

"George er að draga sig hægt og rólega út úr sambandinu. Það er alltaf það sama. Um leið og einhver kona færist nær honum dregur hann sig inn í skelina," hefur Sunday People eftir nánum vini parsins.