Frumsýnir nýju brjóstin

Glamúrpían Courtney Stodden fór í brjóstastækkun um síðustu helgi til að stækka brjóstin sín úr C-skál í DD.

Courtney, sem er aðeins átján ára, ákvað að frumsýna barminn í myndatöku í vikunni og var auðvitað afar lítið klædd. Hún segist hafa ákveðið sjálf að fara í brjóstastækkun og að eiginmaður hennar, leikarinn Doug Hutchison, 52ja ára, hafi ekki fengið neitt um málið að segja.

“Það hvatti mig enginn til að gera þetta. Þetta var mín ákvörðun. Ég elska hvernig ég lít út núna. Mér finnst ég vera kynþokkafyllri og kvenlegri,” segir Courtney í viðtali við sjónvarpsstöðina E!.

Dragðu Tarotspil dagsins hér.