Rihanna sló tónleikagest í höfuðið

Poppstjarnan Rihanna var ekki upp á sitt besta er hún hélt tónleika í Birmingham á dögunum.

 

Rihanna mætti tveimur tímum of seint á svið en til hennar sást út á lífinu fram á rauða nótt kvöldið áður ásamt fyrirsætunni Cöru Delvigne.

 

Á sviðinu sjálfu missti Rihanna svo stjórn á skapi sínu sló aðdáanda í hausinn með hljóðnemanum. Atvikið náðist á myndband sem birt er á vef Daily Mail.

 

Rihanna fékk ekki góða dóma fyrir tónleikana og gefur gagnrýnandi London Standard þeim þrjár stjörnur og segir Rihönnu þurfa pásu og aðdáendur hennar líka.