Leyfir eiginmanninum að ráða

Ofurfyrirsætan Miranda Kerr segir í viðtali við tímaritið The Edit að hún velji oft að leyfa eiginmanni sínum, leikaranum Orlando Bloom, að ráða för í sambandinu.

“Mér finnst það vera mikilvægt sem kona að finnast ekki eins og maður þurfi að vera allt og gera allt. Ég ræð för í vinnunni en kýs að slaka á og leyfa kvenlegu hliðinni að skína í gegn þegar ég kem heim á daginn,” segir Miranda sem á tveggja ára soninn Flynn með Orlando.

“Kannski er ég of gamaldags en karlmönnum líður eins og þeir séu mikilvægir þegar maður biður þá um hjálp í staðinn fyrir að halda að maður geti allt sjálfur,” bætir Miranda við.

Dragðu Tarotspil dagsins hér.