Ég myndi dópa með dóttur minni

Söngvarinn Robbie Williams eignaðist dótturina Theodora “Teddy” Rose á síðasta ári og ætlar að standa með henni í gegnum þykkt og þunnt ef marka má nýlegt viðtal við kauða.

Robbie gerði garðinn frægan með strákabandinu Take That og hefur glímt við fíkniefnadjöfulinn. Hann segist myndu neyta fíkniefna með dóttur sinni ef til þess kæmi.

“Ég efast um að hún verði eins og ég. Ef það gerist þá veit ég hvað ég á að gera. Ég myndi tryggja að hún fengi bestu fíkniefnin á markaðinum og neyta þeirra með henni,” segir Robbie en hann hefur verið edrú síðan árið 2007.

Dragðu Tarotspil dagsins hér.