Lækkar verðið um 750 milljónir

Tónlistarmaðurinn Pharrell Williams er greinilega kominn með leið á að vera með þakíbúð sína í Miami á sölu og hefur lækkað verðið á henni um sex milljónir dollara, tæplega 750 milljónir króna.Íbúðin hefur verið á sölu í hálft ár og er nú föl fyrir 10,9 milljónir dollara, tæpa 1,4 milljarða króna, en Pharrell keypti eignina árið 2007.

Íbúðin er búin fimm svefnherbergjum og sex baðherbergjum og er útsýnið yfir Biscayne-flóa gjörsamlega geggjað – enda íbúðin á 40. hæð. Að sjálfsögðu fylgir íbúðinni sundlaug og einkalyfta.

Dragðu Tarotspil dagsins hér.