Tvifararnir Gillz og Ronaldo

Egill „Gillz Einarsson" er staddur á Mallorca á Spáni ásamt félögum sínum í 10 daga ferð. Egill hefur verið duglegur að leyfa vinum sínum á Facebook að fylgjast með ferðalaginu þar sem hann ásamt fjölmiðlamönnunum Auðunni Blöndal og Hjörvari Hafliðasyni sleikja sólina eins og enginn sé morgundagurinn.

Egill setti inn mynd af sér sem skoða má hér og viti menn Facebookvinir hans byrjuðu strax að líkja Agli við Cristiano Ronaldo sem er einnig léttklæddur í fríi með vinum nema hvað að fótboltastjarnan er stödd á Miami.

Fyrst og fremst heiður  

„Þetta er fyrst og fremst mikill heiður fyrir Ronaldo að vera borinn svona saman við íslenskan bodybuilder," svarar Egill þegar við hringjum í hann og spyrjum hann út í samanburðinn. 

„Hann er örugglega upp með sér mér ef þú bjallar í hann. Það vantar kjöt a flesta knattspyrnumenn, nema Ronaldo, hann er einn af fáum sem rífur almennilega í járnin, enda aldrei meiddur og getur sett boltann í vinkilinn af 40 metrunum," segir Egill áður en hann skottast aftur í sólbað.