JÖR goðið blandar djús alla daga

Rafn Ingi Rafnsson, 19 ára, starfar á veitingastaðnum Lemon á Suðurlandsbraut sem „djúsari". Það vakti athygli Lífsins að Rafn er líka sjóðheit fyrirsæta sem hefur vakið verðskuldaða athygli í auglýsingum haust- og vetrarlínu JÖR by Guðmundur Jörundsson.

Flottasta fyrirsæta sem JÖR hefur séð

Við spurðum fatahönnuðinn Guðmund Jörundsson af hverju hann valdi djúsarann til að vera andlit fatalínunnar í ár?  

„Hann er tignarlegur ungur maður sem ber með sér einstakan þokka. Einnig er hann kurteis og vel gefinn. Rafn er ein flottasta fyrirsæta sem ég hef séð. Til viðbótar er rosalega gott að vinna með honum; jákvæður og hress."

Hann er með útgeislun

Þá spurðum við einnig Jón Gunnar Geirdal annan eiganda veitingahúsakeðjunnar Lemon um fyrirsætuna: „Hann rammar það inn sem Lemon starfsmaður þarf að hafa. Ferska og flotta nærveru og útgeislun. Eldhress og skemmtilegur og svo skemmir ekki fyrir að hann er að vinna með fatahönnuði Íslands."