Fékk grátköst í fæðingunni

Kynþokkafyllsti maður heims, leikarinn Channing Tatum, eignaðist sitt fyrsta barn fyrir stuttu með ástkonu sinni, Jennu Dewan-Tatum.Channing er afar tilfinninganæmur og réð vart við tilfinningar sínar í fæðingunni.

“Ég fór örugglega fjórum sinnum á salernið og fékk grátköst. Ég vissi ekki hvað ég átti af mér að gera,” segir Channing í viðtali við sjónvarpskonuna Chelsea Handler.

Jenna og Channing eignuðust stúlku sem þau skírðu Everly en Channing segist uppfullur af virðingu í garð konu sinnar eftir að hafa orðið vitni að þessari stórkostlegu stund.

“Það er ástæða fyrir því að Guð gaf karlmönnum ekki þann hæfileika að fæða börn. Við gætum ekki gert þetta. Ég skil ekki hvernig þið konur getið þetta.”

Dragðu Tarotspil dagsins hér.