Feginn að hún fyrirgaf framhjáhaldið

Take That-söngvarinn Mark Owen er afar þakklátur eiginkonu sinni, Emmu Ferguson, en hún ákvað að gefa honum annað tækifæri eftir að hann játaði að hafa haldið ítrekað framhjá henni.

Mark og Emma eiga þrjú börn saman en Mark segist hafa haldið að minnsta kosti tíu sinnum framhjá henni á árunum 2004 til 2009, áður en þau giftu sig í nóvember 2009. Árið eftir fór hann í áfengismeðferð.

“Ég er feginn á hverjum degi að fá að vera í kringum fjölskyldu mína og Emmu. Ég er mjög þakklátur. Emma hefur verið mjög þolinmóð og ég get aldrei fyllilega þakkað henni fyrir. Ég elska fjölskyldu mína af öllu hjarta,” segir Mark í viðtali við tímaritið Notebook.

“Ég hef verið kjáni. Þetta snýst um mig, mín mistök. Ég get ekki kennt neinum um. Ég þarf að lifa með sektinni,” segir hjartaknúsarinn.

Dragðu Tarotspil dagsins hér.