"Það þarf mikla peninga til að vernda ferðamannastaðina."

Erna Hauksdóttir, framkvæmdastjóri Samtaka ferðaþjónustunnar, bendir á að umræðan um gjaldtöku á ferðamenn sem hyggjast heimsækja náttúruperlur landsins hafi lengi vel verið í skoðun. Umræðan snýra að því hvernig raunhæfast sé að fjármagna uppbyggingu á ferðamannastöðum.

Þriggja ára fjárfestingaráætlun síðustu ríkisstjórnar gerði ráð fyrir einum og hálfum milljarði króna þessa uppbyggingu ásamt sjö hundruð fimmtíu milljónum í viðhald á innviðum friðlýstra svæða.

„Þetta var í fyrsta skipti sem þetta var gert í raun og veru," segir Erna. „Það er byrjað að vinna samkvæmt þessu en það eru vissulega ýmsar leiðir í stöðunni."

„Á síðasta aðalfundi ferðaþjónustunnar var samþykkt ályktun um að ræða við ríkisstjórnina um náttúrupassa. Það er kannski sú leið sem flestir geta verið sáttir um."

Þá segir Erna hér sé ekki lengur um að ræða álitamál, heldur tímaspursmál.

„Það er alveg ljóst að þarf mikla peninga til þess að vernda okkar helstu ferðamannastaði. Við verðum að verja náttúruna og gæta hennar vel. Og þá þurfum við öll að leggjast á árar. Við og stjórnvöld þurfum að koma saman og ákveða hvernig á að gera þetta.“