Bannað að fara í ljós

Glamúrfyrirsætan Katie Price er bálreið út í ónefnda sólbaðsstofu í Lundúnum sem leyfði henni ekki að fara í ljós vegna þess að hún er ólétt.

Katie yfirgaf stofuna í fússi og fann sér aðra sólbaðsstofu sem leyfði henni að fara í ljós.

“Katie fór á aðra stofu þar sem ekki var komið fram við hana eins og hún væri óeðlileg bara út af því að hún er ólétt. Katie hefur leitað ráða hjá lækni og er ánægð vegna þess að það er ekki hættulegt að fara í ljós endrum og eins á meðgöngunni,” segir talskona fyrirsætunnar.

Katie á von á sínu fjórða barni sem verður það fyrsta með núverandi eiginmanni hennar, Kieran Hayler. Fyrir á Katie soninn Harvey, ellefu ára, soninn Junior, sjö ára og dótturina Princess, fimm ára.

Dragðu Tarotspil dagsins hér.