Má ekki kyssa synina fyrir framan vinina

Söngkonan Britney Spears frumflutti nýja lagið sitt Ooh La La í útvarpsþætti Ryan Seacrest í gær og opnaði sig líka um samband sitt við synina Sean og Jaden sem hún á með fyrrverandi eiginmanni sínum, Kevin Federline.

“Synir mínir eru sex og sjö ára þannig að þeir eru á því stigi núna að mamma má ekki kyssa þá fyrir framan vinina og fleira í þeim dúr. Þeir eru farnir að átta sig á því hvað er svalt og hvað ekki,” segir Britney.

Lagið Ooh La La mun heyrast í kvikmyndinni Smurfs 2 og ákvað Britney að leggja Strumpunum lið fyrir drengina sína.

“Aðalástæðan fyrir því að ég lét til leiðast var vegna strákanna minna. Þeir eru með Strumpana á heilanum. Við höfum sé kvikmyndina The Smurfs óteljandi sinnum og þeim var sagt að þeir gætu leikið í tónlistarmyndbandinu,” bætir Britney við en drengirnir fengu að leika sjálfa sig í myndbandinu.

Dragðu Tarotspil dagsins hér.