Logandi hrædd við eltihrelli

Fyrirsætan Irina Shayk reynir nú að fá nálgunarbann á eltihrelli sem hefur fylgst með ferðum hennar síðustu tvö árin.

Irina er lafandi hrædd þessa dagana eftir að hrellirinn náði að komast inn á heimili hennar í New York á síðasta ári og aftur núna á sunnudaginn. Irina kom heim og sá manninn, hljóp út og hringdi í neyðarlínuna en maðurinn náði að sleppa áður en lögreglan mætti á staðinn.

Fyrirsætan hefur lagt fram tvær kærur á hendur manninum og fjöldamargar kvartanir til lögreglu. Þá hefur eltihrellirinn verið duglegur að senda henni blóm og gjafir síðustu tvö árin.

Dragðu Tarotspil dagsins hér.