Fetar í fótspor Guðjóns Vals og Óla Stef

Domagoj Duvnjak hefur verið kjörinn besti leikmaður þýsku úrvalsdeildarinnar í handbolta af leikmönnum og þjálfurum deildarinnar.

Leikstjórnandinn hefur farið á kostum með Hamburg í vetur og var í aðalhlutverki um helgina þegar liðið varð nokkuð óvænt Evrópumeistari. Liðið lagði Kiel í undanúrslitum með töluverðum yfirburðum og svo eins marks sigur á Barcelona í framlengdum úrslitaleik.

Duvnjak fær verðlaunin afhent fyrir leik Hamburg gegn Lemgo á morgun. Ólafur Stefánsson hlaut nafnbótina árið 2002 og Guðjón Valur Sigurðsson árið 2006.

Fyrri verðlaunahafar

2002 Ólafur Stefánsson

2003 Christian Schwarzer

2004 Lars Krogh-Jeppesen

2005 Henning Fritz

2006 Guðjón valur Sigurðsson

2007 Nikola Karabatic

2008 Nikola Karabatic

2009 Thierry Omeyer

2010 Filip Jicha

2011 Uwe Gensheimer

2012 Kim Andersson

2013 Domagoj Duvnjak