Ég og Kiddi erum bestu vinir

Rúnar Már Sigurjónsson segir það rangt sem kom fram í Pepsi-mörkunum í gær að hann hafi rifist við Kristinn Frey Sigurðsson, liðsfélaga sinn hjá Val, í leik liðsins gegn Fram í gær.

Rúnar sagði þetta á Twitter-síðu sinni. „Reifst aldrei við Kidda. Erum bestu vinir og ræddum málin, hann er frábær vítaskytta. Styð Kidda í öllu og hann gæti vel tekið næsta víti,“ skrifaði hann á síðuna sína.

Valur fékk vítið umrædda á 83. mínútu og virtist um stund sem að óvissa væri um hvort að Kristinn Freyr eða Rúnar ætti að taka vítið. Kristinn Freyr gerði það en skaut í stöng. Leiknum lauk svo með 1-1 jafntefli.