James Hurst í Val

Valur hefur gengið frá samningi við enska bakvörðinn James Hurst. Hurst lék með ÍBV í efstu deild sumarið 2011 og stóð sig vel.

Hurst var á láni hjá ÍBV frá Portsmouth á sínum tíma en gekk svo frá samningi við West Brom. Hann var í byrjunarliði West Brom gegn Fulham í ensku úrvalsdeildinni í janúar 2011.

Hurst er kominn með leikheimild og getur því leikið með Valsmönnum gegn Fylki í 1. umferð Pepsi-deildar á mánudagskvöldið. Hurst er 21 árs bakvörður.

Valsmenn eru ekki á flæðiskeri staddir þegar kemur að bakvarðarstöðunum. Hægra megin hafa þeir Jónas Tór Næs og Magnús Már Lúðvíksson barist um stöðu. Þá stendur landsliðsmaðurinn Bjarni Ólafur Eiríksson vaktina í vinstri bakverðinum og Úlfar Hrafn Pálsson er á bakvakt.