Miðbróðirinn til FH

Englendingurinn Dominic Furness mun á mánudaginn skrifa undir samning við FH. Þetta staðfesti Heimir Guðjónsson þjálfari liðsins við 433.is í dag.

Furness hefur æft með FH síðustu vikur en hann lék með Tindastól síðasta sumar. Furness, sem verður 25 ára á árinu, kom við sögu í 13 leikjum með Tindastóli í 1. deildinni síðastliðið sumar. Hann skoraði í þeim eit mark.

Tveir bræður Furness léku með honum síðastliðið tímabil. Theo gekk í raðir Skagamanna en markvörðurinn Sebastian er enn á mála hjá Stólunum.