Fær Hemmi ekkert húsaskjól?

Hermann Hreiðarsson, þjálfara ÍBV í Pepsi-deild karla, vantar enn húsaskjól í Vestmannaeyjum fyrir komandi sumar.

Knattspyrnudeild ÍBV auglýsti eftir einbýlishúsi eða íbúð fyrir Hermann í smáauglýsingum Eyjafrétta á dögunum en auglýsingin virðist engu hafa skilað.

Á heimasíðu stuðningsmannafélags Eyjaliðsins er ítrekað að enn vanti íbúð fyrir Hermann í Eyjum í sumar. Hún þurfi að vera laus sem fyrst og út september en þá lýkur tímabilinu.

Lesendur eru beðnir um að hafa augun opin og hafa samband við knattspyrnudeild ÍBV hafi þeir vitneskju um eitthvað sem geti hentað þjálfaranum.

ÍBV mætir ÍA í opnunarleik Íslandsmótsins á Hásteinsvelli sunnudaginn 5. maí eða eftir tvær vikur.

Sportið á Vísi er komið á Facebook. Fylgstu með.