Valur lagði Stjörnuna og komst í úrslit

Valur komst í kvöld í úrslit Lengjbikarsins er liðið lagði Stjörnuna, 2-1, í undanúrslitum. Valur mætir Breiðablik í úrslitaleiknum.

Kolbeinn Kárason kom Valsmönnum yfir strax á 3. mínútur og Kristinn Freyr Sigurðsson bætti öðru marki við á 28. mínútu.

Halldór Orri Björnsson klóraði í bakkann með marki úr vítaspyrnu á 77. mínútu en nær komst Stjarnan ekki.

Valsararnir Kristinn Freyr og Magnús Már Lúðvíksson fengu báðir að líta rauða spjaldið í leiknum.

Upplýsingar um markaskorara frá fótbolti.net.