Heiðar Geir samdi við Fylki

Pepsi-deildarlið Fylkis fékk góðan liðsstyrk í dag er Heiðar Geir Júlíusson skrifaði undir eins árs samning við félagið.

Það er fótbolti.net sem greinir frá þessu í dag. Heiðar Geir lék síðast með Fram á Íslandið árið 2009.

Hann kemur til Fylkis frá sænska félaginu Ängelholms. Hann hefur æft með Árbæjarfélaginu undanfarnar vikur að því er fram kemur í fréttinni.

Fylkismenn hafa fengið fínan liðsstyrk í vetur en áður höfðu Tryggvi Guðmundsson, Viðar Örn Kjartansson, Pablo Punyed og Sverrir Garðarsson samið við félagið.