James þeytti skífum á skemmtistaðnum Austur

Markvörðurinn David James vakti mikla athygli um síðustu helgi er hann var hér á landi í boði Hermanns Hreiðarssonar, þjálfara ÍBV. Hermann er að reyna að fá félaga sinn til þess að semja við ÍBV og spila með félaginu í sumar.

Það fór reyndar lítið fyrir James í boltanum um helgina en hann sá þó ÍBV-liðið spila í Egilshöllinni.

Markvörðurinn var duglegur að kíkja á næturlífið í Reykjavík. James virtist skemmta sér vel og hann gerðist meðal annars plötusnúður á Austur.

Hermann segir að James muni ákveða í vikunni hvort hann vilji spila á Íslandi næsta sumar.