Funda með hjúkrunarfræðingum Landspítalans í dag

Samningamenn Landspítalans og hjúkrunarfræðinga við spítalann ákváðu á liðlega klukkustundar löngum fundi sínum í gærkvöldi, að koma aftur saman til fundar í dag.

Í gærmorgun áttu hjúkrunarfærðingar fund með fjármála- og velferðarráðherra, þar sem farið var yfir stöðuna.

Um það bil 300 hjúkrunarfræðingar hafa sagt upp og tekur uppsögn 280 þeirra gildi um næstu mánaðamót, ef ekki semst fyrir þann tíma.

Frestur þeirra til að draga uppsagnir sínar til baka, sem átti að renna út á miðnætti í kvöld, var á fundinum í gærkvöldi framlengdur um tvo sólarhringa.