Jón Gnarr vefhetja ársins á NEXPO

Jón Gnarr, borgarstjóri í Reykjavík, var í gær valinn Vefhetja ársins á NEXPO verðlaununum. Að mati valnefndar hefur Jón sýnt einstakt fordæmi varðandi hegðun og notkun á samfélagsmiðlum og raun umbylt þankagangi heillar þjóðar með Facebook síðu sinni.

Við sama tilefni var Lögreglan á höfuðborgarsvæðinu valin áhrifamesta fyrirtækið á samskiptamiðli. Þá hlaut Dominos verðlaun fyrir Smáforrit eða app ársins.

Ölgerðin hlaut verðlaun fyrir herferð ársins, Appelsín í allt sumar og Bjartasta vonin var Tjarnargatan. Hægt er að sjá auglýsinguna hér fyrir ofan

Vefur ársins var Guidetoiceland.is. Vefurinn þykir afar fallegur og vel heppnuð tilraun til að tengja erlenda ferðamenn við allt það sem Ísland hefur að bjóða.

Óhefðbundin auglýsing árins er Vitamin Water - Þjóðhátíð blásin af. Auglýsingin tók yfir einn þekktasta vefmiðil landsins og fékk lánaðan einn stærsta viðburð ársins frá samkeppnisaðila sínum.