Keyrt á hjólreiðamann

Hjólreiðamaður í Keflavík varð fyrir bifreið um áttaleytið í morgun. Tildrög slyssins voru þau að maðurinn var að hjóla framhjá gatnamótum þegar bifreiðinni var ekið inn á þau.

Bíllinn og hjólið skullu saman en meiðsli mannsins reyndust sem betur fer vera minniháttar.

Þá handtók lögreglan á Suðurnesjum fjóra ökumenn, þrjá karla og eina konu, um helgina en allir voru undir áhrifum fíkniefna. Við húsleit á heimili eins mannanna fannst lofskammbyssa auk þess sem ummerki voru um fíkniefnaneyslu.

Sýnatökur á lögreglustöð staðfestu að allir ökumennirnir fjórir höfðu neytt kannabisefna og einn kókaíns að auki. Fólkið er á aldrinum á milli tvítugs og þrítugs.