Blake Lively samþykkir klæðnað eiginmannsins

Leikarinn Ryan Reynolds kveðst ekki fara út úr húsi án þess að eiginkona hans, leikkonan Blake Lively, leggi blessun sína á klæðnað hans. Þetta sagði Ryan í viðtali við Extra.

„Ég mundi aldrei fara út um dyrnar án þess að fá hennar samþykki,“ sagði leikarinn er hann var staddur á Spáni við frumsýningu kvikmyndarinnar Turbo.

Parið kynntist við tökur á kvikmyndinni Green Lantern árið 2011 og gifti sig þann 9. september í fyrra. Þeim er mjög annt um einkalíf sitt og eru sjaldan mynduð saman á rauða dreglinum.