Eldur laus í strætisvagni í Salahverfi í Kópavogi

Eldur kom upp í strætisvagni þegar hann var á ferð um Salahverfi í Kópavogi laust fyrir klukkan sjö í morgun.

Vagnstjórinn kallaði á slökkvilið og tókst að halda eldinum í skefjum með handslökkvitæki á meða beðið var eftir liðinu.

Tveir reykkafarar voru sendir inn í vagninn og rifu þeir klæðningu til að komast að eldi og glæðum.

Ekki liggur fyrir hvort einhver farþegi var kominn inn í vagninn þegar þetta gerðist, en vitað er að engan sakaði.

Beitt var vatni og kvoðu við að slökkva eldinn og þurfti að hreinsa og hálkuverja vettvang, að slökkvistafi loknu.