Leikmenn Völsungs mokuðu snjóinn af vellinum

Þó svo það sé nánast farið að vora á höfuðborgarsvæðinu er enn snjór víða um land. Þar á meðal á Húsavík en menn þar á bæ ætla engu að síður að hefja æfingar utandyra fljótlega.

Nýr gervigrasvöllur var lagður á Húsavík í lok síðasta sumars og Völsungar munu hefja þar æfingar innan skamms.

Byrjað var að hleypa heitu vatni á ísilagðan völlinn fyrir nokkrum dögum. Víða var samt enn snjór á vellinum og því þurfti að taka til hendinni.

Leikmenn meistaraflokks mættu á völlinn í hádeginu vopnaðir skóflum og létu til sín taka. Mokuðu það sem þurfti þannig að hægt verði að fara að æfa á vellinum.

Fleiri myndir af strákunum að moka snjó má sjá hér.