Frábær sigur hjá Einari Inga og félögum

Mors-Thy lagði Álaborg að velli 25-23 í fyrsta leik liðanna í undanúrslitum dönsku úrvalsdeildarinnar í handbolta í dag.

Mors-Thy gekk afar illa framan af velli en eins marks sigur á Álaborg fyrir tveimur mánuðum kveikti heldur betur í liðinu. Það hefur farið á kostum, lagt hvert stórliðið á fætur öðru að velli og fagnaði frábærum sigri á heimavelli í dag.

Jafnt var í hálfleik 12-12 en þrjú mörk í röð breyttu stöðunni í 17-14 fyrir heimamenn. Þann mun tókst stórliðinu frá Álaborg aldrei að brúa og sætur sigur heimamanna var í höfn.

Liðin mætast næst í Álaborg.