Hófu sumarvinnu í sól og blíðu

Um eitt þúsund ungmenni úr 9. og 10. bekkjum grunnskóla hófu sumarvinnu sína hjá Vinnuskólanum í gær og má með sanni segja að veðrið hafi leikið við þau.

Í tilkynningu frá Reykjavíkurborg segir að alls hafi rúmlega 1.500 unglingar verið skráðir í vinnuskólann í sumar en þau munu, venju samkvæmt, sinna hefðbundnum garðyrkustörfum.

Allir á þessum aldri eiga kost á starfi í vinnuskólanum í þrjár vikur í sumar og er enn opið fyrir skráningar á vef Reykjavíkurborgar. -þj