Innlent

Hrakti innbrotsþjófa á flótta

Húsráðanda í Reykjanesbæ brá heldur í brún þegar hann kom heim til sín aðfararnótt laugardagsins. Þar voru þá fyrir í forstofunni tveir bláókunnugir karlmenn samkvæmt tilkynningu frá lögreglunni á Suðurnesjum.

Þeir tóku báðir til fótanna þegar þeir urðu húsráðandans varir og hurfu út í nóttina.

Annar þeirra reyndist hafa farið inn um baðglugga við hlið forstofunnar og var að hleypa hinum inn um útidyrahurðina, þegar að þeim var komið.

Þeir höfðu ekki haft ráðrúm til athafna áður en þeir hröktust á brott.

Mest lesið


Fleiri fréttir

Sjá meira


×

Mest lesið