U20 ára strákarnir steinlágu gegn Svíum

Íslenska landsliðið í handknattleik skipað leikmönnum 20 ára og yngri tapaði með þrettán marka mun gegn Svíum í öðrum leik sínum á Evrópumótinu í handknattleik í Tyrklandi í dag, 36-23.

Svisslendingar lögðu Dani 25-24 í hinum leik riðilsins í dag. Liðið hefur tvö stig líkt og Danir sem lögðu Ísland að velli með sex marka mun í gær.

Svíar eru efstir í riðlinum að loknum tveimur leikjum með fjögur stig. Danir og Svisslendingar hafa tvö stig en Ísland rekur lestina stigalaust.

Ísland getur enn náð öðru sæti í riðlinum. Til þess að það takist þarf liðið að leggja Sviss að velli með sex marka mun og treysta á að Svíar misstígi sig ekki gegn Dönum.