Tíu verðlaunapeningar á tíu sumrum

Sumir leikmenn verða bara betri og betri með aldrinum og það á vel við hinn 35 ára gamla Frey Bjarnason sem átti stórkostlegt sumar með FH-ingum. Þegar Tommy Nielsen lagði skóna á hilluna síðasta haust var meiri ábyrgð sett á Frey og hann brást ekki þjálfara sínum Heimi Guðjónssyni. FH-liðinu tókst líka að betrumbæta varnarleikinn og flestir eru sammála um að það hafi verið vörnin sem öðru fremur lagði grunninn að því að FH-ingar endurheimtu Íslandsmeistaratitilinn.

Gerðist síðast á fjórða áratugnumFH-ingar hafa nú verið í efstu tveimur sætum deildarinnar í heilan áratug og það er aðeins einn leikmaður sem hefur spilað með liðinu allan þennan tíma; umræddur Freyr Bjarnason. Þetta hefur enginn leikmaður afrekað eftir seinni heimsstyrjöld og það þarf að fara alla leið aftur til leikmanna í KR-liðinu frá 1926-1937 og Valsliðinu frá 1927-1938 til þess að finna aðra eins velgengni hjá einum leikmanni á Íslandsmótinu.

Þegar Freyr kom í FH fyrir þrettán árum var FH-liðið í b-deildinni og hafði ekki spilað úrvalsdeildarleik í fjögur ár. FH-liðið vann 1. deildina af öryggi á hans fyrsta tímabili þar sem hann lék 16 af 18 leikjum.

Freysáhrifin á FH-liðið

Freyr hefur ekki misst úr marga leiki á þessum áratugi en það eru þó einkum tvö tímabil þar sem meiðsli settu strik í reikninginn. Freyr spilaði þannig aðeins átta fyrstu leikina 2006 en meiðsli á hné í júní þýddu að hann var ekki meira með. Freyr missti líka af 10 leikjum sumarið 2009, flestum vegna meiðsla.

Mikilvægi Freys sést vel í tölfræðinni um gengi liðsins enda FH-liðið öll árin búið að ná í hærra hlutfall stiga í þeim leikjum sem hann spilaði en í þeim leikjum sem hann hefur misst af. Hér er reyndar undanskilið tímabilið 2005 þar sem Freyr lék alla leikina en það er einnig langbesta tímabil liðsins hvað varðar hlutfall stiga í húsi því FH-ingar náðu í 48 af 54 mögulegum stigum (89 prósent) á því sumri sem Freyr missti ekki úr leik. Það er meira um magnaða tölfræði þegar kemur að Freysáhrifunum á FH-liðið. Freyr er nefnilega búinn að spila 72 prósent leikja FH-liðsins síðan Heimir Guðjónsson tók við liðinu fyrir sumarið 2008 og FH-ingar hafa samt tapað fleiri leikjum án hans (10) en með hann inn á vellinum (9).

Erfitt að leika þetta eftirÞað er erfitt að sjá fyrir sér leikmann leika afrek Freys eftir. Að vera lykilmaður í besta liði landsins í heilan áratug er afrek út af fyrir sig en annað er að taka þátt í því að halda liðinu við toppinn á tíu tímabilum í röð.

Hér fyrir neðan má sjá yfirlit yfir þessi tíu tímabil hjá Frey og þar sést gengi FH-liðsins með eða án hans.



Tíu tímabil í verðlaunasæti2003 FH í 2. sæti

16 leikir (12 í byrjunarliði)

FH með Frey: 60% stiga

FH án Freys: 17% stiga

2004 FH Íslandsmeistari

17 leikir (17), 1 mark

FH með Frey: 71% stiga

FH án Freys: 33% stiga

2005 FH Íslandsmeistari

18 leikir (18), 1 mark

FH með Frey: 89% stiga

FH án Freys: 0 leikir

2006 FH Íslandsmeistari

8 leikir (8), 1 mark

FH með Frey: 83% stiga

FH án Freys: 53% stiga

2007 FH í 2. sæti

14 leikir (14), 1 mark

FH með Frey: 71% stiga

FH án Freys: 58% stiga

2008 FH Íslandsmeistari

14 leikir (14)

FH með Frey: 81% stiga

FH án Freys: 54% stiga

2009 FH Íslandsmeistari

12 leikir (7)

FH með Frey: 86% stiga

FH án Freys: 67% stiga

2010 FH í 2. sæti

15 leikir (13), 2 mörk

FH með Frey: 80% stiga

FH án Freys: 38% stiga

2011 FH í 2. sæti

20 leikir (20), 1 mark

FH með Frey: 73% stiga

FH án Freys: 0% stiga

2012 FH Íslandsmeistari

18 leikir (18), 1 mark

FH með Frey: 76% stiga

FH án Freys: 67% stiga

2003-12 FH 6 sinnum Íslandsmeistari

152 leikir (141), 8 mörk

FH með Frey: 77% stiga

FH án Freys: 51% stiga