Malarnám leyft í Svarfaðardalsá

Bæjarstjórn Dalvíkurbyggðar heimilar að teknir verði þrjú þúsund rúmmetrar af möl úr Svarfaðardalsá í Eyjafirði. Malartakan verður vestan Búrfellsár. Þetta er gert með samþykki landeigenda Búrfells og Veiðifélags Svarfaðardalsár.

Stangaveiðifélag Akureyrar er umboðsaðili fyrir Svarfaðardalsá og sér sem slíkur um sölu veiðileyfa í þessa sjóbleikjuperlu fyrir veiðifélag landeigendanna. „Við treystum á að ákvörðun landeigenda, veiðifélagsins og umhverfisráðs taki mið af að spilla veiðiskilyrðum árinnar sem minnst,“ segir Guðrún Una Jónsdóttir, formaður Stangaveiðifélagsins. - gar