Slösuðum manni bjargað úr 15 metra háum byggingakrana

Slösuðum manni var bjargað við erfiðar aðstæður úr 15 metra hæð uppi í byggingakrana, í Keflavík í gærkvöldi.

Verið var að hækka kranann þegar þegar önnur hönd mannsins klemmdist á milli eininga, þegar hann stóð tæpt á járnrim.

Tveir sjúkraflutnignamenn klilfu uppp til hans og tryggðu öryggi hans, og síðan var slökkviliðsmaður hífður upp með körfubíl, og sótti hinn slasaða.

Maðurinn var fyrst fluttur á heilsugæsluna í Keflavík og síðan á slysadeild, en reyndist ekki eins alvarlega meiddur og óttast var í fyrstu.