Christiansen leggur skóna á hilluna

Hinn magnaði danski hornamaður Lars Christiansen hefur ákveðið að leggja skóna á hilluna ferugur að aldri. Christiansen er ekki í Ólympíuhópi Dana og hann tilkynnti í kjölfarið að skórnir væru farnir á hilluna.

Christiansen spilaði 338 landsleiki fyrir Dani og skoraði yfir 1.500 mörk. Hann vann EM í tvígang og vann silfur á HM.

Hann lék lengstum með Flensburg í Þýskalandi eða í 14 ár. Hann endaði ferilinn svo hjá Kolding í heimalandinu.

Christiansen mun vera viðloðandi handboltann áfram í Danmörku enda búinn að semja við DR.