Styrkir til doktorsnema og vísindamanna

Tuttugu og fjórum vísindastyrkjum var úthlutað úr Háskólasjóði H/f Eimskipafélags Íslands og Rannsóknasjóði Háskóla Íslands í Hátíðasal háskólans í dag. Styrkirnir nema samanlagt um 160 milljónum króna.

Fjórir strykþeganna eru vísindamenn, sem nýta munu styrkina til að ráða til sín doktorsnema, en hinir tuttugu eru doktorsnemar sjálfir. Styrkþegar koma víðs vegar að úr heiminum og rannsóknir þeirra eru fjölbreyttar og hagnýtar.

Rannsóknarsjóður Háskóla Íslands hefur lagt sérstaka áherslu á eflingu doktorsnáms í samræmi við stefnu háskólans. Hann var stofnaður árið 1982 í þeim tilgangi að efla rannsóknarstarfsemi við háskólann en í dag var úthlutað úr þeim sjóði í sjötta sinn.

Háskólasjóður H/f Eimskipafélags Íslands var stofnaður af Vestur-Íslendingum árið 1964 þegar þeir lögðu til hans hlutabréfaeign sína í Eimskipafélaginu. Sjóðurinn er í umsjá Landsbanka Íslands. Fyrsta úthlutun úr sjóðnum fór fram árið 2006 en úthlutunin í dag var sú sjötta.



Hér má sjá nánari umfjöllun um úthlutun dagins.