Vill sauðnaut til Ísafjarðar

Snævar Valentínus Vagnsson hefur óskað formlega eftir því við Ísafjarðarbæ að fá að flytja sauðnaut til Íslands frá Grænlandi og ala þau á Vestfjörðum. Hann telur mögulegt að skapa þeim góð skilyrði, enda mikið landsvæði þar ónotað með öllu.

Áður hefur verið reynt að fleytja sauðnaut til Íslands. Það bar ekki árangur. Snævar telur árangursleysið stafa af aðferðum þeim sem notaðar voru við flutningana. Þær aðferðir sem hægt er að nota í dag gætu skilað betri árangri.

Snævar telur að Ísafjarðarbær gæti notið góðs af dýrunum ef tækist að koma upp stofni. Sem dæmi nefnir hann tekjur af veiðileyfum og ferðaiðnaði.

Sauðnaut eru heimskautadýr sem er að finna á túndrusvæðum Grænlands, Kanada og Alaska.

Hér er hægt að lesa umfjöllun ísfirska fréttamiðilsins Bæjarins Besta um málið.