Tónleikum Buiku frestað vegna veikinda

Vegna bronkítis og barkabólgu spænsk/afrísku söngkonunnar Buiku verður tónleikum hennar frestað. Tónleikarnir áttu að vera næsta sunnudag. Nú er unnið að því að finna nýja dagsetningu sem tilkynn verður um á næstu dögum. Allir seldir miðar gilda auðvitað á hina nýju tónleika, sömu sæti.

Veikindi söngkonunnar hafa orsakað raddleysi og leggja læknar hennar blátt bann við ferðalögum og tónleikahaldi næstu daga svo hún nái að jafna sig.

Buika vill að þau skilaboð komist til skila að hún sé miður sín yfir því að þurfa að fresta tónleikum fyrir fullu húsi, hún hafi hlakkað mikið til að koma og sé hrærð yfir mikilli eftirvæntingu og áhuga meðal Íslendinga.