Fossinn Hverfandi birtist á ný

Hálslón hefur náð yfirfallshæð og er nú 625 metrum yfir sjávarmáli. Vatn úr lóninu mun því á næstunni renna á yfirfalli niður í farveg Jökulsár á Dal. Við það myndast fossinn Hverfandi við vestari enda Kárahnjúkastíflu niður að gljúfurbarminum og steypist þar hátt í 100 metra niður í Hafrahvammagljúfur.

Í gær voru sex ár frá því að Hálslón byrjaði að myndast en lónið hefur fyllst á hverju ári frá árinu 2007. Hverfandi hefur aðeins einu sinni birst fyrr en í ár en það var árið 2010 þegar Hálslón fylltist þann 28. júlí.- mþl