Mál Guðgeirs þingfest í dag

Mál Guðgeirs Guðmundssonar verður þingfest fyrir Héraðsdómi Reykjavíkur eftir hádegi í dag. Guðgeir er ákærður fyrir að hafa ráðist á Skúla Eggert Sigurz, framkvæmdastjóra Lagastoðar, í byrjun mars, og stungið hann ítrekað með hnífi. Það var líklega samstarfsmaður hans, lögfræðingurinn Guðni Bergs, sem kom í veg fyrir að Guðgeir yrði Skúla að bana.

Sjálfur hlaut hann stungusár á læri í átökum við Guðgeir.

Þjóðin var slegin óhug eftir árásina og öryggisráðstafanir hjá innheimtufyrirtækjum og lögfræðiskrifstofum voru hertar til muna eftir árásina. Skúli hafði gengið inn á skrifstofuna og óskað eftir að ræða við lögmann í einrúmi. Skúli fór með honum inn á skrifstofu sína þar sem Guðgeir lagði til hans með hnífnum.

Guðgeir hefur játað að hafa ráðist á Skúla. Þá hefur verið krafist geðmats yfir Guðgeiri, en niðurstaðan hefur ekki verið kunngerð.

Ástæðan fyrir árásinni var líklega skuld Guðgeirs sem lögfræðistofan innheimti. Hún var óveruleg.