Enn einn hnakkastuldurinn á Selfossi

Brotist var inn í hesthús við Bæjartröð á Selfossi um helgina og þaðan stolið Royal Air Ástundarhnakki með koparístöðum.

Einnig var þaðan stolið hófhlífum. Hnakkurinn er rúmlega fimm ára og verðmæti hans talið vera á milli 200 til 250 þúsund krónur.

Eigandinn uppgötvaði þjófnaðinn síðdegis á hvítasunnudag en hann hafði verið í hesthúsinu fyrr um morguninn. Þeir sem geta veitt upplýsingar um málið eru beðnir að hafa samaband í síma lögreglu 480 1010.

Töluvert virðist vera um stuldur á hnökkum á Selfossi, en í mars síðastliðnum var brotist inn í níu hesthús við Norðurtröð á Selfossi. Úr einu húsinu var stolið sex hnökkum.